ഉത്തരാഖണ്ഡിലെ ബാഗേശ്വർ നിയമസഭാ ഉപതെരഞ്ഞെടുപ്പിൽ ബിജെപി വിജയിച്ചു.

ഉത്തരാഖണ്ഡിലെ ബാഗേശ്വർ നിയമസഭാ സീറ്റ് ബിജെപി നിലനിർത്തി, എൻ ഡി എ സ്ഥാനാർത്ഥി പാർവതി ദാസ് കോൺഗ്രസിന്റെ ബസന്ത് കുമാറിനെ 2,400 വോട്ടുകൾക്കാണ് പരാജയപ്പെടുത്തിയത്. ദാസ് 33,247 വോട്ടുകൾ നേടിയപ്പോൾ കുമാറിന് 30,842 വോട്ടുകൾ ലഭിച്ചുവെന്ന് ബാഗേശ്വർ ജില്ലാ മജിസ്‌ട്രേറ്റും റിട്ടേണിംഗ് ഓഫീസറുമായ അനുരാധ പാൽ പറഞ്ഞു. ബിജെപി 2,405 വോട്ടുകൾക്കാണ് വിജയിച്ചതെന്നും അവർ അറിയിച്ചു.