ശ്രീനഗർ:മതവികാരം വ്രണപ്പെടുത്തുന്ന തരത്തിൽ സമൂഹ മാധ്യമത്തിൽ പോസ്റ്റിട്ടതിനെ തുടർന്ന് ശ്രീനഗറിലെ നാഷണൽ ഇൻസ്റ്റിറ്റ്യൂട്ട് ഓഫ് ടെക്നോളജിയിൽ പ്രതിഷേധം . വിദ്യാർത്ഥി പ ഷെയർ ചെയ്ത പോസ്റ്റിലാണ് പ്രതിഷേധം. സംഭവത്തിൽ പോലീസ് കേസെടുത്തു. സമൂഹ മാധ്യമത്തിൽ പോസ്റ്റിട്ടെന്ന് ആരോപിക്കപ്പെടുന്ന വിദ്യാർത്ഥിക്കെതിരെ കർശന നടപടി സ്വീകരിക്കണമെന്നാണ് പ്രതിഷേധക്കാരുടെ ആവശ്യം. നഗരത്തിലെ നൈജീൻ ഏരിയയിൽ സ്ഥിതി ചെയ്യുന്ന സ്ഥാപനത്തിന്റെ രണ്ട് ഗേറ്റുകളും വിദ്യാർത്ഥികൾ തടഞ്ഞു. സോഷ്യൽ മീഡിയ പോസ്റ്റ് മുസ്ലീങ്ങളുടെ മതവികാരം വ്രണപ്പെടുത്തിയെന്ന് ആരോപിച്ചായിരുന്നു വിദ്യാർത്ഥികളുടെ പ്രതിഷേധം.
സോഷ്യൽ മീഡിയയിൽ പോസ്റ്റ് ഷെയർ ചെയ്തതിന് വിദ്യാർത്ഥിക്കെതിരെ നടപടിയെടുക്കാൻ ഇൻസ്റ്റിറ്റ്യൂട്ട് ആലോചിക്കുന്നുണ്ടെന്നും അധികൃതർ പറഞ്ഞു. അതേസമയം, പോലീസ് കേസെടുത്ത് അന്വേഷണം ആരംഭിച്ചതായി ഉദ്യോഗസ്ഥൻ പറഞ്ഞു. ”അന്വേഷണത്തിൽ, ഒരു വിദ്യാർത്ഥി സോഷ്യൽ മീഡിയയിൽ ആക്ഷേപകരമായ ഉള്ളടക്കം പോസ്റ്റ് ചെയ്തതായി കണ്ടെത്തി. വീഡിയോ വിദ്യാർത്ഥിയുടെ സ്വന്തമല്ല. യുട്യൂബിൽ നിന്ന് എടുത്തതാണ്, ”കശ്മീർ ഇൻസ്പെക്ടർ ജനറൽ ഓഫ് പോലീസ് (ഐജിപി), വി കെ ബിർദി ഇവിടെ പറഞ്ഞു.
“നിയമനടപടി ആവശ്യപ്പെട്ട് എൻഐടി രജിസ്ട്രാറിൽ നിന്ന് പോലീസിന് രേഖാമൂലം പരാതി ലഭിച്ചിട്ടുണ്ട്. നിയമത്തിലെ പ്രസക്തമായ വകുപ്പുകൾ പ്രകാരം ഞങ്ങൾ നിയമനടപടി സ്വീകരിച്ചിട്ടുണ്ട്. സംഭവത്തിൽ അന്വേഷണം പുരോഗമിക്കുകയാണെന്നും ഐജിപി പറഞ്ഞു.
