കൈവെട്ട് കേസിലെ ഒന്നാം പ്രതി അറസ്റ്റിൽ . ഇയാൾ വർഷങ്ങളോളം സൗദിയിൽ ഒളിച്ച് താമസിക്കുകയായിരുന്നു
കണ്ണൂർ: ജോസഫ് മാഷിൻറെ കൈ വെട്ടിയകേസിൽ നിർണായക അറസ്റ്റ് .സൗദി അറേബ്യയിൽ ഒളിവിൽ താമസിച്ചിരുന്ന സവാദിനെ ഇന്ത്യൻ ഏജൻസികൾ ദുബായിലേക്കും പിന്നെ കണ്ണൂരിലേക്കും എത്തിക്കുകയായിരുന്നു. കേസില് ഒന്നാം പ്രതിയായ സവാദിനെ കണ്ണൂരിൽ നിന്നുമാണ് എന്ഐഎ അറസ്റ്റ് ചെയ്തത്. 2010 ജൂലൈയിലാണ് കേസിന് ആസ്പദമായ സംഭവം നടന്നത്. അതിന് ശേഷം 13 വർഷമായി സവാദ് (
ഒളിവിലായിരുന്നു. പ്രൊഫസര് ടി ജെ ജോസഫിന്റെ കൈവെട്ടി മാറ്റിയത് സവാദായിരുന്നു. പോപ്പുലര് ഫ്രണ്ട് പ്രവര്ത്തകൻ കൂടിയാണ് സവാദ്. സവാദിനെ കണ്ടെത്താന് സഹായിക്കുന്നവര്ക്ക് എന്ഐഎ പാരിതോഷികവും പ്രഖ്യാപിച്ചിരുന്നു.
തൊടുപുഴ ന്യൂമാൻ കോളേജിലെ അധ്യാപകനായിരുന്ന പ്രൊഫസർ ടി ജെ ജോസഫ്. അധ്യാപകന്റെ കൈവെട്ടിയ കേസില് കഴിഞ്ഞ വര്ഷം ജൂലൈ 13നാണ് കോടതി പ്രതികളുടെ ശിക്ഷ വിധിച്ചത്. കേരള മനസാക്ഷിയെ ആകെ ഞെട്ടിച്ച കേസിൽ കുറ്റക്കാരെന്ന് കണ്ടെത്തിയ ആറ് പ്രതികളില് മുഖ്യപ്രതികളായ പ്രതികളായ സജിൽ, എം കെ നാസർ, നജീബ് എന്നിവർക്ക് ജീവപര്യന്തം തടവ് ശിക്ഷയാണ് വിധിച്ചിരുന്നത്. 9, 11, 12 പ്രതികളായ നൗഷാദിനും മൊയ്തീൻ കുഞ്ഞിനും അയൂബിനും 3 വർഷം വീതം തടവും ശിക്ഷിച്ചിരുന്നു. കൊച്ചിയിലെ പ്രത്യേക എന്ഐഎ കോടതി ജ്ഡ്ജി അനില് ഭാസ്കറാണ് വിധി പറഞ്ഞത്. കേസില് ആറ് പ്രതികള് കുറ്റക്കാരാണെന്ന് കോടതി നേരത്തെ കണ്ടെത്തിയിരുന്നു. പ്രതികള്ക്കെതിരെ ഭീകരപ്രവര്ത്തനം ഉള്പ്പെടെയുള്ള വകുപ്പുകള് തെളിഞ്ഞതായി വിധി പ്രസ്താവത്തില് പറഞ്ഞിരുന്നു.
രണ്ടാം പ്രതി സജല്, മൂന്നാം പ്രതി നാസര്, അഞ്ചാം പ്രതി നജീബ്, ഒന്പതാം പ്രതി നൗഷാദ്, പതിനൊന്നാം പ്രതി മൊയ്തീന് കുഞ്ഞ്, പന്ത്രണ്ടാം പ്രതി അയൂബ് എന്നിവരും കുറ്റക്കാരാണെന്ന് കോടതി വ്യക്തമാക്കിയത്. കുറ്റകൃത്യത്തില് നേരിട്ടു പങ്കെടുത്തയാളാണ് സജല്. കുറ്റകൃത്യത്തിനു ശേഷം പ്രതികളെ ഒളിവില് കഴിയാന് സഹായിച്ചവരാണ് മൂന്നു പേര്. നാലാം പ്രതി ഷഫീഖ്, ആറാം പ്രതി അസീസ്, ഏഴാം പ്രതി മുഹമ്മദ് റാഫി, എട്ടാം പ്രതി സുബൈര്, മന്സൂര് എന്നിവരെ വെറുതെവിട്ടിരുന്നു.
