ടൊറന്റോ: കാനഡയിലെ ബ്രിട്ടീഷ് കൊളംബിയ പ്രവിശ്യയില് ഇരട്ട എൻജിൻ ചെറുവിമാനം തകര്ന്നുവീണ് ഇന്ത്യയില്നിന്നുള്ള രണ്ട് ട്രെയിനി പൈലറ്റുമാര് ഉള്പ്പെടെ മൂന്നു പേര് മരിച്ചു.മുംബൈ സ്വദേശികളായ അഭയ് ഗദ്രു(25), യാഷ് രാമുഗദെ(25) എന്നിവരാണു മരിച്ച ഇന്ത്യക്കാര്. പൈപ്പര് പിഎ-34 സെനെക്ക വിമാനമാണ് വാൻകൂവറില്നിന്ന് 100 കിലോമീറ്റര് അകലെ ചില്ലിവാക് സിറ്റിക്കു സമീപം തകര്ന്നുവീണത്. വെള്ളിയാഴ്ചയായിരുന്നു സംഭവം. മൂന്നു വര്ഷംമുന്പാണ് ഗദ്രു പൈലറ്റ് പരിശീലനത്തിനായി കാനഡയിലെത്തിയത്. നവംബറില് ബിരുദ പഠനം പൂര്ത്തിയാകേണ്ടതാണ്. വിമാനം നിയന്ത്രിക്കുന്നതു പരിശീലിപ്പിക്കുന്ന സ്കൈക്വസ്റ്റ് ഏവിയേഷന്റേതാണു ചെറുവിമാനം.
കാനഡയിൽ വിമാനം തകർന്നു ; 2 ഇന്ത്യൻ പൈലറ്റ്മാർ മരിച്ചു.
