ഡൽഹി : ഇസ്രായേൽ എംബസിക്ക് സമീപം ബോബ് സ്ഫോടനം .ബോംബ് സ്ഫോടനം ഇസ്രായേൽ എംബസിയും സ്ഥിരീകരിച്ചിട്ടുണ്ട്. വൈകുന്നേരമാണ് സംഭവം നടന്നത്. ഡൽഹി പോലീസും സുരക്ഷാ സംഘവും സ്ഥിതിഗതികൾ പരിശോധിച്ച് വരികയാണെന്ന് എംബസി വക്താവ് പറഞ്ഞു. രാജ്യതലസ്ഥാനത്തെ നയതന്ത്ര മേഖലയായ ചാണക്യപുരി പ്രദേശത്ത് സ്ഥിതി ചെയ്യുന്ന എംബസിക്ക് പിന്നിൽ സ്ഫോടനം നടന്നന്നുള്ള വിവരം അജ്ഞാതൻ വഴിയാണ് ഡൽഹി പോലീസ് അറിയുന്നത്. ഇന്ന് വൈകുന്നേരം ആറ് മണിയോടെ ഡൽഹി ഫയർ സർവീസിലേക്കാണ് അജ്ഞാത ഫോൺ സന്ദേശം എത്തിയത്.
ഇസ്രായേൽ എംബസിക്ക് പിന്നിലെ ആളൊഴിഞ്ഞ പ്രദേശത്താണ് സ്ഫോടനം നടന്നതെന്ന് വിളിച്ചയാൾ പറഞ്ഞിരുന്നു. സംഭവത്തെ തുടർന്ന് പോലീസിന്റെ പ്രത്യേക സെൽ സംഘവും ബോംബ് സ്ക്വാഡും സ്ഥലത്തെത്തി പരിശോധന നടത്തി. സ്ഥലത്ത് സംശയാസ്പദമായ ഒന്നും കണ്ടെത്തിയിട്ടില്ലെന്ന് ഡൽഹി അഗ്നിശമനസേനാ മേധാവി പറഞ്ഞു.
സ്ഫോടനത്തിന്റെ ശബ്ദം വളരെ ഉച്ചത്തിലുള്ളതായിരുന്നുവെന്ന് ഒരു ദൃക്സാക്ഷി വാർത്താ ഏജൻസിയായ എഎൻഐയോട് പറഞ്ഞു.
