ന്യൂഡൽഹി:പൗരത്വ നിയമ ഭേദഗതി നടപ്പാക്കികൊണ്ടുള്ള വിജ്ഞാപനം കേന്ദ്ര ആഭ്യന്തര മന്ത്രാലയം പുറപ്പെടുവിച്ചു. പൗരത്വ നിയമ ഭേദഗതിനടപ്പാക്കുമെന്ന് ആഭ്യന്തരമന്ത്രി അമിത് ഷാ നേരത്തെ വ്യക്തമാക്കിയിരുന്നു.പാകിസ്ഥാൻ, ബംഗ്ലാദേശ്, അഫ്ഗാനിസ്ഥാൻ തുടങ്ങിയ രാജ്യങ്ങളിൽ നിന്ന് ഇന്ത്യയിൽ എത്തിയ ഹിന്ദു, സിഖ്, ജെയിൻ, ക്രിസ്ത്യൻ, ബുദ്ധ, പാർസി മതവിശ്വാസികൾക്ക് പൗരത്വം നൽകുന്നതിനുള്ള നടപടികൾ കേന്ദ്രം ആരംഭിച്ചിട്ടുണ്ട്. 2014 ഡിസംബർ 31-ന് മുമ്ബ് ഇന്ത്യയിൽ എത്തിയവർക്കാണ് പൗരത്വത്തിനായി അപേക്ഷ നൽകാൻ കഴിയുക. പൗരത്വത്തിനുള്ള അപേക്ഷകൾ കേന്ദ്ര ആഭ്യന്തര മന്ത്രാലയം ഉടൻ സ്വീകരിച്ചുടങ്ങും. ഇതിനായുള്ള പോർട്ടൽ ഉടൻ തന്നെ വരും.
2019 ഡിസംബറിലാണ് പൗരത്വ ഭേദഗതി നിയമം ലോക്സഭ പാസ്സാക്കിയത്. 2020 ജനുവരി 10-ന് നിയമംനിലവില്വന്നെങ്കിലും ചട്ടങ്ങള് രൂപവത്കരിക്കാത്തതിനാല് നടപ്പാക്കിയിരുന്നില്ല.
സിഎഎ നടപ്പിലാക്കില്ലെന്ന് കേരളവും ബംഗാളും ഉള്പ്പടെയുള്ള ചില സംസ്ഥാനങ്ങള് വ്യക്തമാക്കിയിരുന്നു. ഇത് മറികടക്കാനായി പൗരത്വത്തിനായുള്ള നടപടിക്രമങ്ങളെല്ലാം ഓണ്ലൈന് വഴിയാക്കാനാണ് കേന്ദ്ര ആഭ്യന്തര മന്ത്രാലയത്തിന്റെ നീക്കം. ഇതിനായി പ്രത്യേക പോര്ട്ടല് കേന്ദ്ര ആഭ്യന്തര മന്ത്രാലയം സജ്ജമാക്കിയിട്ടുണ്ട്. പൗരത്വത്തിന് അപേക്ഷിക്കുന്നവര് യാത്രാരേഖകളില്ലാതെ ഇന്ത്യയിലെത്തിയ വര്ഷം വ്യക്തമാക്കേണ്ടതുണ്ട്. അപേക്ഷകരില്നിന്ന് രേഖകളൊന്നും ആവശ്യപ്പെടില്ലെന്നും സര്ക്കാര് വൃത്തങ്ങള് വ്യക്തമാക്കി. കേന്ദ്ര സര്ക്കാര് നിയമം പ്രാബല്യത്തിലായെന്ന് അറിയിച്ച് വാര്ത്താക്കുറിപ്പ് പുറത്തുവിട്ടതിന് പിന്നാലെ നിയമം കേരളത്തിൽ നടപ്പിലാക്കില്ലെന്ന് വ്യക്തമാക്കി പിണറായി വിജയൻ.മുസ്ലിം ന്യൂനപക്ഷങ്ങളെ രണ്ടാം തരം പൗരൻമാരായി കണക്കാക്കുന്നതാണ് പൗരത്വ നിയമ ഭേദഗതി നിയമമെന്നും വിമര്ശിച്ചു.
തെരഞ്ഞെടുപ്പ് മുൻനിർത്തി പൗരത്വ ഭേദഗതി നിയമത്തിന്റെ ചട്ടങ്ങള് വിജ്ഞാപനം ചെയ്ത കേന്ദ്ര സർക്കാർ നടപടി രാജ്യത്തെ അസ്വസ്ഥമാക്കാനുള്ളതാണെന്ന് മുഖ്യമന്ത്രിയുടെ ഓഫീസില് നിന്ന് പുറത്തുവിട്ട വാര്ത്താക്കുറിപ്പില്വ്യക്തമാക്കി.ബംഗാൾ മുഖ്യമന്ത്രി മമത ബാനർജി വിജ്ഞാപനത്തെ ശക്തമായി വിമർശിച്ചു”എന്തെങ്കിലും വിവേചനമുണ്ടെങ്കിൽ ഞങ്ങൾ അത് അംഗീകരിക്കില്ല. അത് മതമോ ജാതിയോ ഭാഷയോ ആകട്ടെ. അവർക്ക് രണ്ട് ദിവസത്തിനുള്ളിൽ ആർക്കും പൗരത്വം നൽകാൻ കഴിയില്ല,” മമത പറഞ്ഞു.
