വയനാട്: എംപി സ്ഥാനം പുനസ്ഥാപിച്ചതിന് ശേഷം രാഹുല് ഗാന്ധി ആദ്യമായി ഇന്ന് കേരളത്തിലെത്തുന്നു. രണ്ട് ദിവസത്തെ സന്ദര്ശനമാണ് ക്രമീകരിച്ചിരിക്കുന്നത്.ഉച്ചയ്ക്ക് ശേഷം കല്പ്പറ്റ നഗരത്തിലാണ് ആദ്യ പരിപാടി. എംപിയുടെ കൈത്താങ്ങ് പദ്ധതിയില് ഉള്പ്പെടുത്തി പൂര്ത്തീകരിച്ച 9 വീടുകളുടെ താക്കോല് പൊതു സമ്മേളത്തില് കൈമാറും. വൻ സ്വീകരണത്തിനുള്ള ഒരുക്കങ്ങളാണ് കല്പ്പറ്റയില് പുരോഗമിക്കുന്നത്. എഐസിസി , കെപിസിസി നേതാക്കളെല്ലാം ഇന്ന് കല്പ്പറ്റയിലെത്തും.
നാളെ മാനന്തവാടിയിലും കോടഞ്ചേരിയിലുമാണ് പരിപാടികള്. അതിന് ശേഷം രാഹുല് മടങ്ങും.
