ന്യൂഡൽഹി: ഉദയനിധി സ്റ്റാലിന്റെ സനാതന ധര്മ വിവാദത്തില് വസ്തുതകളുടെ അടിസ്ഥാനത്തില് കനത്ത മറുപടി നല്കണമെന്ന് പ്രധാനമന്ത്രി നരേന്ദ്ര മോദി കേന്ദ്രമന്ത്രിമാരോട് പറഞ്ഞു.ഇന്ന് ചേര്ന്ന കേന്ദ്ര മന്ത്രിസഭയോഗത്തിലാണ് പ്രധാനമന്ത്രി നരേന്ദ്രമോദി മന്ത്രിമാര്ക്ക് നിര്ദ്ദേശം നല്കിയത്. ഉദയനിധിയുടെ പരാമര്ശത്തെ പരസ്യമായി തള്ളിപ്പറഞ്ഞ് ‘ഇന്ത്യ’ മുന്നണിയുടെ ഭാഗമായ ശിവസേന ഉദ്ദവ് വിഭാഗവും രംഗത്തെത്തി. സനാതന ധര്മ്മത്തെ അപമാനിക്കും വിധമുള്ള പരാമര്ശങ്ങള് അജ്ഞത മൂലമെന്നാണ് ശിവസേന ഉദ്ദവ് വിഭാഗം അഭിപ്രായപ്പെട്ടത്. രാജ്യത്തിന്റെ അടിസ്ഥാനം സനാതന ധര്മ്മവുമായി ബന്ധിക്കപ്പെട്ടിരിക്കുന്നുവെന്നും ശിവസേന ഉദ്ദവ് വിഭാഗം നേതാവ് പ്രിയങ്ക ചതുര്വേദി കൂട്ടിച്ചേര്ത്തു.പരാമര്ശത്തില് ഉദയനിധി സ്റ്റാലിനും കര്ണാടക മന്ത്രി പ്രിയങ്ക ഖാര്ഗെയ്ക്കുമെതിരെ കേസെടുത്തിട്ടുണ്ട്. ഉത്തര്പ്രദേശിലെ റാംപൂര് പൊലീസാണ് കേസെടുത്തത്.
ഉദയഗിരി സ്റ്റാലിന്റെ വിവാദ പരാമർശം ; പ്രതികരണമായി നരേന്ദ്രമോഡിയും ഉദ്ധവ് താക്കയും .
