ചെന്നെ:ബിജെപി ഐടി സെല് മേധാവി അമിത് മാളവ്യക്കെതിരെ കലാപാഹ്വാനമടക്കമുള്ള വകുപ്പുകള് ചുമത്തി കേസ്.തമിഴ്നാട്ടില് ബിജെപി ഐടി സെല് മേധാവി അമിത് മാളവ്യക്കെതിരെ കേസ്. കലാപാഹ്വാനമടക്കമുള്ള വകുപ്പുകള് ചുമത്തിയാണ് അമിത് മാളവ്യയ്ക്കെതിരെ കേസെടുത്തത്.ഉദയനിധി സ്റ്റാലിന്റെ സനാതന ധര്മ പരാമര്ശം വളച്ചൊടിച്ചെന്ന പരാതിയിലാണ് കേസെടുത്തത്ത്.ശനിയാഴ്ച ചെന്നൈയില് നടന്ന സമ്മേളനത്തിലായിരുന്നു ഉദയനിധിയുടെ വിവാദത്തിലായ പരാമര്ശം. ‘ചില കാര്യങ്ങള് എതിര്ക്കാനാവില്ല. അതിനെ ഉന്മൂലനം ചെയ്യണം. നമുക്ക് ഡെങ്കിപ്പനി, മലേറിയ, കൊവിഡ് എന്നിവയെ എതിര്ക്കാനാവില്ല. നിര്മാര്ജനം ചെയ്യാനേ കഴിയൂ. അങ്ങനെ തന്നെയാണ് സനാതനവും. അതിനെ എതിര്ക്കുന്നതില് ഉപരിയായി നിര്മാര്ജനം ചെയ്യുകയാണ് വേണ്ടതെന്നായിരുന്നു ഉദയനിധിയുടെ പരാമര്ശം. ജാതിവെറിക്ക് ഇരയായ രോഹിത് വെമുലയുടെ അമ്മയെ ഉള്പ്പെടെ വേദിയിലിരുത്തിയായിരുന്നു ഉദയനിധിയുടെ പരാമര്ശം.പരാമര്ശം വിവാദമായതിന് പിന്നാലെ ഉദയനിധിക്കെതിരെ യുപി പൊലീസ് കേസെടുത്തിരുന്നു. ഉദയനിധി സ്റ്റാലിന്റെ പരാമര്ശത്തെ പിന്തുണച്ച കോണ്ഗ്രസ് നേതാവും മല്ലികാര്ജുന് ഖാര്ഗെയുടെ മകനുമായ പ്രിയങ്ക് ഖര്ഗെയ്ക്കെതിരെയും കേസെടുത്തിട്ടുണ്ട്.
ഉദയനിധി സ്റ്റാലിന്റെ തലവെട്ടുന്നവര്ക്ക് 10 കോടി രൂപ പാരിതോഷികം പ്രഖ്യാപിച്ച സന്യാസിക്കെതിരെ മധുര പൊലീസ് കേസെടുത്തു.അയോധ്യയിലെ ജഗദ്ഗുരു പരമഹംസ ആചാര്യയ്ക്ക് എതിരെയാണ് കേസ്. ഡിഎംകെ നിയമ വിഭാഗത്തിന്റെ പരാതിയിലാണ് പൊലീസ് നടപടി. കലാപാഹ്വാനം അടക്കം കുറ്റങ്ങള് ചുമത്തിയാണ് എഫ്ഐആര് എടുത്തിരിക്കുന്നത്. സനാതന ധര്മ്മ പരാമര്ശത്തിന് പിന്നാലെ ഉദയനിധി സ്റ്റാലിന്റെ തലവെട്ടുന്നവര്ക്ക് 10 കോടി രൂപ പാരിതോഷികം നല്കുമെന്നായിരുന്നു അയോധ്യയിലെ സന്യാസിയുടെ പ്രകോപനപരമായ ആഹ്വാനം.
