സംഗനേറിൽ കോൺഗ്രസിലെ പുഷ്പേന്ദ്ര ഭരദ്വാജിനെ പരാജയപ്പെടുത്തിയാണ് ഭജൻ ലാൽ ശർമ്മ ആദ്യമായി എംഎൽഎ ആയത്.
ജയ്പൂർ:ഭജൻലാൽ ശർമ്മയെ രാജസ്ഥാന്റെ മുഖ്യമന്ത്രിയായി പ്രഖ്യാപിച്ചു. രാജസ്ഥാനിലെ നിയമസഭാ തിരഞ്ഞെടുപ്പിൽ സംഗനേർ നിയമസഭാ സീറ്റിൽ നിന്ന് 48,081 വോട്ടുകളുടെ ഭൂരിപക്ഷത്തോടെയാണ് അദ്ദേഹം വിജയിച്ചത്. കോൺഗ്രസിന്റെ പുഷ്പേന്ദ്ര ഭരദ്വാജായിരുന്നു ഭജൻലാൽ ശർമ്മയുടെ എതിരാളി.രാജസ്ഥാൻ മുഖ്യമന്ത്രിയായി ഭജൻ ലാൽ ശർമ്മയുടെ പേര് നിർദ്ദേശിച്ചത് ബിജെപി നേതാവ്
വസുന്ധര രാജെയാണ് . കേന്ദ്ര പ്രതിരോധ മന്ത്രി രാജ്നാഥ് സിംഗാണ് അദ്ദേഹത്തെ മുഖ്യമന്ത്രിയായി പ്രഖ്യാപിച്ചത്. അദ്ദേഹത്തിന്റെ പേരും മുൻനിര സ്ഥാനത്തേക്ക് മത്സരിക്കുന്നവരിൽ ഉൾപ്പെടുന്നു. കൂടാതെ, ദിയാ കുമാരിയെയും പ്രേംചന്ദ് ബൈർവയെയും ഉപമുഖ്യമന്ത്രിമാരായി തിരഞ്ഞെടുത്തു. എംഎൽഎ വാസുദേവ് ദേവ്നാനി സ്പീക്കറാകും. അജ്മീർ സ്വദേശിയായ അദ്ദേഹം മുമ്പ് സംസ്ഥാന വിദ്യാഭ്യാസ മന്ത്രിയായി സേവനമനുഷ്ഠിച്ചിട്ടുണ്ട്.
ഗജേന്ദ്ര ഷെഖാവത്ത്, മഹന്ത് ബാലക്നാഥ്, ദിയാ കുമാരി, അനിത ഭാദേൽ, മഞ്ജു ബാഗ്മർ, അർജുൻ റാം മേഘ്വാൾ എന്നിവരും മത്സരാർത്ഥികളുടെ പട്ടികയിൽ ഉൾപ്പെട്ടിരുന്നു. “രാജസ്ഥാനിലെ എല്ലാ എംഎൽഎമാരും ബിജെപിക്കൊപ്പം നിന്ന് ജനങ്ങളുടെ പ്രതീക്ഷകൾ തീർച്ചയായും നിറവേറ്റുമെന്ന് ഞാൻ നിങ്ങൾക്ക് ഉറപ്പ് നൽകുന്നു” രാജസ്ഥാന്റെ മുഖ്യമന്ത്രിയായി തിരഞ്ഞെടുക്കപ്പെട്ടതിന് ശേഷം മാധ്യമങ്ങളുമായുള്ള ആദ്യ സംവാദത്തിൽ ഭജൻ ലാൽ പറഞ്ഞു. പ്രധാനമന്ത്രി നരേന്ദ്ര മോദിയുടെ നേതൃത്വത്തിൽ രാജസ്ഥാന്റെ എല്ലാ മേഖലകളിലും സമഗ്ര വികസനം ഞങ്ങൾ ഉറപ്പാക്കുമെന്നും അദ്ദേഹം പറഞ്ഞു.
രാജസ്ഥാനിലെ ഭരത്പൂർ സ്വദേശിയാണ് ഭജൻ ലാൽ ശർമ്മ. ബിജെപിയുടെ സംസ്ഥാന ജനറൽ സെക്രട്ടറിയായി നാല് തവണ പ്രവർത്തിച്ചയാളാണ് ഭജൻ ലാൽ ശർമ്മ. ഇന്ത്യൻ നാഷണൽ കോൺഗ്രസ് എതിരാളിക്കെതിരെ 145,162 വോട്ടുകൾ നേടിയ അദ്ദേഹം സംഗാനർ അസംബ്ലി സീറ്റിൽ മികച്ച മാർജിനിൽ വിജയിച്ചു. കോൺദഗ്രസ് സ്ഥാനാർത്ഥ പുഷ്പേന്ദ്ര ഭരദ്വാജ് 97,081 വോട്ടുകൾ മാത്രമാണ് നേടിയത്. ആദ്യമായാണ് അദ്ദേഹം എംഎൽഎ ആകുന്നത്. രാഷ്ട്രീയ സ്വയം സേവക് സംഘ് (ആർഎസ്എസ്), അഖില ഭാരതീയ വിദ്യാർത്ഥി പരിഷത്ത് (എബിവിപി) എന്നിവയുമായി ബന്ധപ്പെട്ട് അദ്ദേഹം പ്രവർത്തിച്ചിട്ടുണ്ട്.
മുൻ ജയ്പൂർ മേയർ അശോക് ലഹോട്ടിനെ പരാജയപ്പെടുത്തിയാണ് അദ്ദേഹം സംഗാനറിൽ നിന്ന് എംഎൽഎയായി തിരഞ്ഞെടുക്കപ്പെട്ടത്. ഡിസംബർ മൂന്നിന് രാജസ്ഥാനിൽ കോൺഗ്രസിൽ നിന്ന് അധികാരം പിടിച്ചെടുത്ത രാജസ്ഥാനിലെ 199 സീറ്റുകളിൽ 115ലും ബിജെപി വിജയിച്ചു.
