യെമനിലെ ഹൂതി പ്രസ്ഥാനവുമായി ബന്ധപ്പെട്ട ലക്ഷ്യങ്ങൾക്കെതിരെ യുഎസും ബ്രിട്ടനും ബോംബിംഗ് നടത്തിയതായി റോയിട്ടേഴ്സ് റിപ്പോർട്ട് ചെയ്തു. ഇറാൻ പിന്തുണയുള്ള ഹൂതി ഗ്രൂപ്പിനെതിരെയുള്ള ആദ്യത്തെ അന്താരാഷ്ട്ര ആക്രമണമാണിത്.
ഒരു ഹൂതി വിമതർ രാജ്യത്തുടനീളമുള്ള ”ബോംബ് ആക്രമണം” സ്ഥിരീകരിച്ചു, തലസ്ഥാനമായ സനയിലും സാദ, ധമർ നഗരങ്ങളിലും ഹൊദൈദ ഗവർണേറ്റിലും ”അമേരിക്കൻ-സയണിസ്റ്റ്-ബ്രിട്ടീഷ് ആക്രമണം” നടന്നു എന്ന് സ്ഥിരീകരിച്ചിട്ടുണ്ട്.
വിമാനങ്ങൾ, കപ്പലുകൾ, അന്തർവാഹിനികൾ എന്നിവ ഉപയോഗിച്ചാണ് ആക്രമണം നടത്തുന്നതെന്ന് പേര് വെളിപ്പെടുത്താത്ത ഒരു യുഎസ് ഉദ്യോഗസ്ഥൻ പറഞ്ഞു. ഓസ്ട്രേലിയ, കാനഡ, ബഹ്റൈൻ, നെതർലൻഡ്സ് എന്നീ രാജ്യങ്ങൾ ഓപ്പറേഷന് പിന്തുണ നൽകിയതായി ഉദ്യോഗസ്ഥർ പറഞ്ഞു.
ഒരു ഡസനിലധികം സ്ഥലങ്ങൾ ലക്ഷ്യമിട്ടതായും ആക്രമണം ശക്തമായിരുന്നു എന്നും ഉദ്യോഗസ്ഥർ പറഞ്ഞു.
യെമന്റെ ഭൂരിഭാഗവും നിയന്ത്രിക്കുന്ന ഹൂത്തികൾ, ചെങ്കടൽ കപ്പൽ റൂട്ടുകളിലെ മിസൈൽ, ഡ്രോൺ ആക്രമണങ്ങൾ പതിവാക്കിയിരുന്നു.അതിക്രമം നിർത്താനുള്ള യുഎൻ ആഹ്വാനവും അതിൽ പരാജയപ്പെട്ടാൽ അനന്തരഫലങ്ങൾ അമേരിക്കയിൽ നിന്നുള്ള മുന്നറിയിപ്പും ഇറാൻ പിന്തുണയുള്ള ഹൂതികൾ നിരസിച്ചു.
ലോകത്തെ ഷിപ്പിംഗ് ട്രാഫിക്കിന്റെ 15% വരുന്ന യൂറോപ്പിനും ഏഷ്യയ്ക്കും ഇടയിലുള്ള പ്രധാന റൂട്ടിലെ അന്താരാഷ്ട്ര വാണിജ്യത്തെ തടസ്സപ്പെടുത്തി ഹൂതികൾ ഇന്നുവരെ 27 കപ്പലുകൾ ആക്രമിച്ചു.
സന വിമാനത്താവളത്തിനോട് ചേർന്നുള്ള സൈനിക താവളവും തായ്സ് വിമാനത്താവളത്തിന് സമീപമുള്ള സൈനിക കേന്ദ്രവും ഹൊദൈദയിലെ ഹൂതി നാവിക താവളവും ഹജ്ജ ഗവർണറേറ്റിലെ സൈനിക സൈറ്റുകളും ലക്ഷ്യമിട്ടാണ് വ്യാഴാഴ്ച ആക്രമണം നടന്നതെന്ന് ദൃക്സാക്ഷികൾ റോയിട്ടേഴ്സിനോട് പറഞ്ഞു.
ഗസ്സ നിയന്ത്രിക്കുന്ന ഫലസ്തീൻ ഇസ്ലാമിസ്റ്റ് ഗ്രൂപ്പായ ഹമാസിനുള്ള പിന്തുണയുടെ പ്രകടനമാണ് തങ്ങളുടെ ആക്രമണമെന്ന് ഹൂതികൾ പറയുന്നുണ്ട്. ഒക്ടോബർ 7 ന് ഇസ്രയേലിനെതിരായ ഹമാസിന്റെ ഭീകരാ ക്രമണത്തിന് ശേഷം ഗാസയിൽ 23,000 ഓളം ഫലസ്തീനികളെയാണ് ഇസ്രായേൽ കൊന്നൊടുക്കിയത്.
