അമേഠി: കേന്ദ്രമന്ത്രിയും ബി.ജെ.പി നേതാവുമായ സ്മൃതി ഇറാനി അമേഠി ലോക്സഭാ മണ്ഡലത്തിൽ നാമനിർദേശ പത്രിക സമർപ്പിച്ചു. മധ്യപ്രദേശ് മുഖ്യമന്ത്രി മോഹൻ യാദവിനും മറ്റ് നേതാക്കൾക്കുമൊപ്പം ഗൗരിഗഞ്ചിലെ ബിജെപി ഓഫീസിൽ നിന്ന് ഇറാനി പത്രിക സമർപ്പിക്കുന്നതിന് മുമ്പ് റോഡ് ഷോ നടത്തി. ജില്ലാ മജിസ്ട്രേറ്റിൻ്റെ നിർദേശപ്രകാരം കലക്ട്രേറ്റിന് 200 മീറ്ററോളം മുൻപിൽ റോഡ് ഷോ നിർത്തിവച്ചു. ഉത്തർപ്രദേശ് മന്ത്രി മയങ്കാശ്വർ ശരൺ സിംഗ്, ഇറാനിയുടെ ഭർത്താവ് സുബിൻ ഇറാനി എന്നിവരും റോഡ് ഷോയിൽ പങ്കെടുത്തു. 2019-ൽ കോൺഗ്രസ് നേതാവ് രാഹുൽ ഗാന്ധിയെ പരാജയപ്പെടുത്തിയാണ് ഇറാനി ഗാന്ധി കുടുംബത്തിൻ്റെ കോട്ടയായി കണക്കാക്കപ്പെടുന്ന സീറ്റ് നേടിയത്. രാഹുൽ ഗാന്ധി വീണ്ടും മത്സരിക്കുമെന്ന് പാർട്ടി പ്രവർത്തകർ വിശ്വസിക്കുന്നുണ്ടെങ്കിലും കോൺഗ്രസ് ഇതുവരെ സ്ഥാനാർത്ഥിയെ പ്രഖ്യാപിച്ചിട്ടില്ല. ലോക്സഭാ തെരഞ്ഞെടുപ്പിൻ്റെ അഞ്ചാം ഘട്ടമായ മെയ് 20ന് അമേഠിയിൽ വോട്ടെടുപ്പ് നടക്കും.
സ്മൃതി ഇറാനി അമേഠിയിൽ നാമനിർദേശ പത്രിക സമർപ്പിച്ചു.
