ന്യൂഡൽഹി :സിപിഎം ജനറല് സെക്രട്ടറി സീതാറാം യെച്ചൂരി അന്തരിച്ചു. 72 വയസായിരുന്നു. ശ്വാസകോശ അണുബാധയെ തുടർന്ന് ദില്ലി എയിംസില് ചികിത്സയിലിരിക്കെയാണ് മരണം.കഴിഞ്ഞ മാസം 19നാണ് ശ്വാസ തടസ്സത്തെ തുടർന്ന് സീതാറാം യെച്ചൂരിയെ എയിംസില് പ്രവേശിപ്പിച്ചത്. നില വഷളായതോടെ വെൻ്റിലേറ്ററിലേക്ക് മാറ്റിയിരിക്കുകയായിരുന്നു.
ആന്ധ്രാപ്രദേശിലെ കിഴക്കന് ഗോദാവരി സ്വദേശിയായ സീതാറം യെച്ചൂരി 1952 ഓഗസ്റ്റ് 12-ന് മദ്രാസിലാണ് ജനിച്ചത്. സര്വേശ്വര സോമയാജി യെച്ചൂരിയുടെയും ഭാര്യ കല്പികയുടെയും മകനായിരുന്നു. ദില്ലി സെന്റ് സ്റ്റീഫന്സ് കോളേജില് നിന്ന് സാമ്ബത്തിക ശാസ്ത്രത്തില് ബിരുദം നേടിയ ഇദ്ദേഹം ജെ.എന്.യുവില് നിന്ന് സാമ്ബത്തിക ശാസ്ത്രത്തില് ബിരുദാനന്തര ബിരുദം നേടി.ജെ.എന്.യുവില് വച്ച് കമ്മ്യൂണിസ്റ്റ് പാര്ട്ടിയില് ആകൃഷ്ടനായി. 1974-ല് എസ്എഫ്ഐയില് അംഗമായി. മൂന്നുവട്ടം ജെ.എന്.യു സര്വകലാശാല യൂണിയന് പ്രസിഡന്റായി. ജെഎന്യുവില് പിഎച്ച്ഡിക്ക് ചേര്ന്നെങ്കിലും അടിയന്തരാവസ്ഥക്കാലത്തെ ഒളിവുജീവിതം മൂലം പൂര്ത്തിയാക്കാനായില്ല.
അടിയന്തിരാവസ്ഥ കാലത്ത് 1975-ല് അദ്ദേഹം അറസ്റ്റിലായി. 1978-ല് എസ്എഫ്ഐയുടെ ദേശീയ ജോയിന്റ് സെക്രട്ടറിയായി തെരഞ്ഞെടുക്കപ്പെട്ടു. 1986-ല് എസ്എഫ്ഐ ദേശീയ പ്രസിഡന്റായി. 1984-ല് 32ാം വയസ്സിലാണ് സിപിഎം കേന്ദ്രക്കമ്മിറ്റി അംഗമായത്. 1988-ല് തിരുവനന്തപുരത്ത് നടന്ന പാര്ട്ടി കോണ്ഗ്രസില് കേന്ദ്ര സെക്രട്ടേറിയേറ്റ് അംഗമായി. 1992-ല് മദ്രാസില് നടന്നപാര്ട്ടി കോണ്ഗ്രസില് പൊളിറ്റ് ബ്യൂറോ അംഗമായി.
പിന്നീട് 2015-ല് വിശാഖപട്ടണം പാര്ട്ടി കോണ്ഗ്രസില് പ്രകാശ് കാരാട്ടില് നിന്ന് സിപിഎം ദേശീയ ജനറല് സെക്രട്ടറി പദവി യെച്ചൂരി ഏറ്റെടുത്തു. 2018-ല് ഹൈദരാബാദിലെ പാര്ട്ടി കോണ്ഗ്രസില് വീണ്ടും സിപിഎം ദേശീയ അധ്യക്ഷനായി. 2022-ല് കണ്ണൂര് പാര്ട്ടി കോണ്ഗ്രസില് മൂന്നാം വട്ടവും പാര്ട്ടി ദേശീയ അധ്യക്ഷനായി തിരഞ്ഞെടുക്കപ്പെട്ടു. പീപ്പിള്സ് ഡെമോക്രസി വാരികയുടെ എഡിറ്ററായിരുന്നു. 2005-ല് പശ്ചിമ ബംഗാളില് നിന്നുള്ള രാജ്യസഭാംഗമായിരുന്നു. പ്രമുഖ മാധ്യമ പ്രവര്ത്തക സീമാ ചിത്സിയാണ് ഭാര്യ. അന്തരിച്ച മാധ്യമപ്രവര്ത്തകന് ആശിഷ് യെച്ചൂരി, ഡോ. അഖിലാ യെച്ചൂരി, ഡാനിഷ് എന്നിവര് മക്കളാണ്.
മരണവാർത്ത വന്നതിന് തൊട്ടുപിന്നാലെ, രാഷ്ട്രീയ നേതാക്കൾ സിപിഐ-എം നേതാവിന് ആദരാഞ്ജലികൾ അർപ്പിച്ചു. രാജ്യത്തെ നന്നായി മനസ്സിലാക്കിയ നേതാവായിരുന്നു സീതാറാം യെച്ചൂരി എന്നും ഇന്ത്യ എന്ന ആശയത്തിൻ്റെ സംരക്ഷകനാണെന്നും ലോക്സഭയിലെ പ്രതിപക്ഷ നേതാവ് രാഹുൽ ഗാന്ധി കുറിച്ചു.”
അദ്ദേഹം മുതിർന്ന പാർലമെൻ്റേറിയനാണെന്നും അദ്ദേഹത്തിൻ്റെ വിയോഗം ദേശീയ രാഷ്ട്രീയത്തിന് ഒരു നഷ്ടമാകുമെന്നും എനിക്കറിയാമായിരുന്നു. അദ്ദേഹത്തിൻ്റെ കുടുംബത്തോടും സുഹൃത്തുക്കളോടും സഹപ്രവർത്തകരോടും ഞാൻ അനുശോചനം രേഖപ്പെടുത്തുന്നു മമതാ ബാനർജി .
“മുതിർന്ന സിപിഎം നേതാവ് സീതാറാം യെച്ചൂരി ജിയുടെ ദാരുണമായ വിയോഗത്തിൽ ഞാൻ അതീവ ദുഃഖിതനാണ്. പാർലമെൻ്റിൽ ഞങ്ങൾക്ക് വർഷങ്ങളോളം പ്രവർത്തന ബന്ധമുണ്ടായിരുന്നു. അദ്ദേഹത്തിൻ്റെ കുടുംബത്തിനും സഹപ്രവർത്തകർക്കും, സഹപ്രവർത്തകർക്കും എൻ്റെ അഗാധമായ അനുശോചനം അറിയിക്കുന്നു. കിരൺ റിജുജു.”
