ലെബനൻ തലസ്ഥാനമായ ബെയ്റൂട്ടിന്റെ തെക്കൻ പ്രദേശങ്ങളില് വീണ്ടും ഇസ്റാഈല് വ്യോമാക്രമണ നടത്തി. ഇസ്റാഈല് വ്യോമാക്രമണത്തില് എട്ടു പേർ കൊല്ലപ്പെടുകയും 59 പേർക്ക് പരുക്കേല്ക്കുകയും ചെയ്തതായി ലെബനൻ ആരോഗ്യ മന്ത്രാലയം അറിയിച്ചു.
വെള്ളിയാഴ്ച ജനസാന്ദ്രതയേറിയ ബെയ്റൂട്ടിലെ കെട്ടിട സമുച്ചയത്തിലാണ് ഇസ്രായേലിന്റെ ബോംബിംഗ് നടന്നത്. ഹിസ്ബുള്ളയുടെ ഉന്നത നേതാക്കൾ യോഗം ചേരുന്ന വിവരം അറിഞ്ഞതിനുശേഷം ആണ് ഇസ്രായേൽ ബോംബക്രമണം നടത്തിയത് . വ്യോമാക്രമണത്തിൽ തങ്ങളുടെ മുതിർന്ന കമാൻഡർ ഇബ്രാഹിം അഖിൽ മരിച്ചതായി ഹിസ്ബുള്ള സ്ഥിരീകരിച്ചു . ലെബനൻ ആരോഗ്യ മന്ത്രാലയം പറയുന്നതനുസരിച്ച്, കുറഞ്ഞത് 14 പേർ കൊല്ലപ്പെടുകയും ഡസൻ പേർക്ക് പരിക്കേൽക്കുകയും ചെയ്ത ആക്രമണത്തിൽ കൊല്ലപ്പെട്ട ഹിസ്ബുള്ളയുടെ മുതിർന്ന വ്യക്തികളിൽ ഒരാളാണ് അഖിൽ എന്ന് ഇസ്രായേൽ സൈന്യമായ ഐഡിഎഫ് പറഞ്ഞു.
അമേരിക്ക തലയ്ക്ക് വിലയിട്ട ഭീകരൻ കൂടിയാണ് മരിച്ച അഖിൽ.1983-ൽ ബെയ്റൂട്ടിൽ 200-ലധികം യുഎസ് നാവികരെയും മറ്റ് നിരവധി പേരെയും കൊലപ്പെടുത്തിയ ബോംബാക്രമണങ്ങളിൽ അഖീലിന് പങ്കുണ്ടെന്ന് അമേരിക്ക ആരോപിച്ചിരുന്നു.ഗാസ മുനമ്പിൽ ഇസ്രായേലുമായി യുദ്ധം ചെയ്യുന്ന സായുധ സംഘമായ ഹമാസ്, ബെയ്റൂട്ടിൽ മുതിർന്ന ഹിസ്ബുള്ള കമാൻഡറായ ഇബ്രാഹിം അഖീലിനെ ഇസ്രായേൽ വധിച്ചതിനെ അപലപിച്ച് പ്രസ്താവന ഇറക്കി. മിസ്റ്റർ അഖീലിനെയും മറ്റ് നിരവധി ഹിസ്ബുള്ള അംഗങ്ങളെയും കൊലപ്പെടുത്തിയ വ്യോമാക്രമണത്തെ ഹമാസ് “വിഡ്ഢിത്തം” എന്ന് വിശേഷിപ്പിച്ചു, അതിന് ഇസ്രായേൽ “വില കൊടുക്കും.”
ഇറാൻ്റെ പിന്തുണയുള്ള ഇറാഖി സായുധ സംഘമായ കതാഇബ് ഹിസ്ബുള്ള തങ്ങളുടെ മുതിർന്ന അംഗങ്ങളിലൊരാളായ അബു ഹൈദർ അൽ-ഖഫാജി വെള്ളിയാഴ്ച പുലർച്ചെ ഡമാസ്കസിൽ ഇസ്രായേൽ ഡ്രോൺ ആക്രമണത്തിൽ കൊല്ലപ്പെട്ടതായി പ്രഖ്യാപിച്ചു.
അൽ ഖഫാജി അവിടെ സുരക്ഷാ ഉപദേഷ്ടാവായി പ്രവർത്തിച്ചിരുന്നതായി ടെലിഗ്രാമിൽ പ്രചരിച്ച അറിയിപ്പിൽ പറയുന്നു. ഇതാദ്യമായാണ് ഇറാനുമായി ബന്ധമുള്ള ഒരു ഇറാഖി സായുധ സംഘം തങ്ങളുടെ മുതിർന്ന പോരാളികളിൽ ഒരാൾ സിറിയയിൽ ഇസ്രായേൽ ആക്രമണത്തിൽ കൊല്ലപ്പെട്ടതായി സമ്മതിക്കുന്നത്.
