കശ്മീരിൽ നിന്നുള്ള ഒരു വീഡിയോ സോഷ്യൽ മീഡിയയിൽ കൂടുതൽ വൈറലായിക്കൊണ്ടിരിക്കുകയാണ്, ഹിസ്ബുൾ ഭീകരന്റെ സഹോദരൻ തന്റെ വീടിന്റെ ജനാലയിൽ ത്രിവർണ പതാക ഉയർത്തുന്നത് കാണാം. ഹിസ്ബുൾ മുജാഹിദ്ദീൻ ഭീകരൻ ജാവേദ് മാട്ടുവിന്റെ സഹോദരൻ റയീസ് മട്ടുവാണ് തന്റെ വീടിന്റെ ജനലിൽ ത്രിവർണ പതാക ഉയർത്തിയത്. ഹിസ്ബുൾ മുജാഹിദ്ദീൻ ഭീകര സംഘടനയുമായി ബന്ധമുള്ള ജാവേദ് മാട്ടു താഴ്വരയിലെ പ്രധാന 10 ഭീകരരിൽ ഒരാളാണ്, ഇയാളെ വളരെക്കാലമായി സുരക്ഷാ ഏജൻസികൾ തിരഞ്ഞു കൊണ്ടിരിക്കുന്ന ആളുമാണ് .ഞായറാഴ്ച ശ്രീനഗറിൽ കൂറ്റൻ ത്രിവർണ റാലി സംഘടിപ്പിച്ചിരുന്നു. ജമ്മു കശ്മീർ ലെഫ്റ്റനന്റ് ഗവർണർ മനോജ് സിൻഹയും റാലിയിൽ ഉണ്ടായിരുന്നു. റാലിയെ പീപ്പിൾസ് ഡെമോക്രാറ്റിക് പാർട്ടി (പിഡിപി) പ്രസിഡന്റ് മെഹബൂബ എതിർത്തിരുന്നു.
കശ്മീരിൽ ഹിസ്ബുൾ മുജാഹിദ്ദീൻ ഭീകരന്റെ സഹോദരൻ ഇന്ത്യൻ പതാക ഉയർത്തി.
