ടെൽഅവീവ്:ഇസ്രയേല്-ഹമാസ് ഏറ്റുമുട്ടലില് കൊല്ലപ്പെട്ടവരുടെ എണ്ണം 201 ആയി. രണ്ടായിരത്തോളം പേര്ക്ക് പരുക്കേറ്റു. ഹമാസ് ആക്രമണത്തില് നാല്പത് ഇസ്രയേലികളും, ഇസ്രയേല് ഗാസയിലേക്ക് നടത്തിയ ആക്രമണത്തില് 161 പലസ്തീനികളും കൊല്ലപ്പെട്ടു.
സൈനിക നീക്കത്തില് ഹമാസിന് പിന്തുണ പ്രഖ്യാപിച്ച് ഇറാനും ഖത്തറും. ഇസ്രയേലിനെതിരെ സധൈര്യം ആക്രമണം നടത്തുന്ന പലസ്തീന് പോരാളികളെ അഭിനന്ദിക്കുന്നതായി ഇറാന് പ്രഖ്യാപിച്ചു.
ആക്രമണത്തില് ഇസ്രയേലിനെ പിന്തുണച്ച് ഇന്ത്യ പ്രതികരിച്ചു.അതേസമയം, ഇസ്രയേലിനെതിരായ സൈനിക നീക്കത്തില്നിന്ന് ഹമാസ് പിന്വാങ്ങമെന്ന് അഭ്യര്ത്ഥിച്ച് സൗദി അറേബ്യ രംഗത്തെത്തി. നിലവിലെ സ്ഥിതിഗതികള് നിരീക്ഷിക്കുകയാണെന്ന് സൗദിയെ ഉദ്ധരിച്ച് അറബ് മാധ്യമങ്ങള് റിപ്പോര്ട്ട് ചെയ്തു. ഇന്ത്യ ഉള്പ്പെടെയുള്ള രാജ്യങ്ങള് ഇസ്രയേലിന് പിന്തുണ പ്രഖ്യാപിച്ചിരുന്നു. ഇന്ത്യയ്ക്കു പുറമേ യൂറോപ്യന് കമ്മിഷന്, യുഎസ്എ, ഫ്രാന്സ്, ജര്മനി, യുകെ, സ്പെയിന്, ബെല്ജിയം, ഗ്രീസ്, ഇറ്റലി, പോളണ്ട്, ചെക്ക് റിപ്പബ്ലിക്ക്, യുെ്രെകന് തുടങ്ങിയ രാജ്യങ്ങള് ആക്രണത്തിനെതിരെ രംഗത്തെത്തി. ഇസ്രയേലിലെ ഭീകരാക്രമണ വാര്ത്തകള് ഞെട്ടലോടെയാണ് കേട്ടതെന്നും തങ്ങളുടെ പ്രാര്ത്ഥനകള് നിരപരാധികളായ ഇരകള്ക്കും അവരുടെ കുടുംബാംഗങ്ങള്ക്കും ഒപ്പമുണ്ടെന്നും പ്രധാനമന്ത്രി സമൂഹമാധ്യമങ്ങളിലൂടെ വ്യക്തമാക്കി. ഈ ദുഷ്കരമായ സമയത്ത് ഞങ്ങള് ഇസ്രയേലിനോട് ഐക്യദാര്ഢ്യത്തോടെ നിലകൊള്ളുന്നുവെന്നും അദ്ദേഹം കുറിച്ചു.
ഫലസ്തീന് സംഘടനയായ ഹമാസിന്റെ റോക്കറ്റ് ആക്രമണത്തെ തുടര്ന്നുണ്ടായ അപ്രതീക്ഷിത യുദ്ധത്തിന്റെ പശ്ചാത്തലത്തില് മലയാളികള് ഇസ്രയേലില് കുടുങ്ങിക്കിടക്കുകയാണ്. പലമലയാളികളുടെയും താമസസ്ഥലം ഉള്പ്പെടെ തകര്ന്നു. കനത്ത ഷെല് ആക്രമണവും ബോംബ് അക്രമണവും അനുഭവിക്കുകയാണെന്ന് ഇസ്രയേലിലെ മലയാളികള് പറയുന്നു.
നിലവിലെ സാഹചര്യത്തില് ഇസ്രയേലിലെ മലയാളികള് സുരക്ഷിതരാണെന്ന് ഇസ്രയേലില് ജോലി ചെയ്യുന്ന മലയാൡനഴ്സ് ട്വന്റിഫോറിനോട് പറഞ്ഞു. എല്ലാ വീടുകളിലും ബങ്കറുകള് ഉള്ളതിനാല് സുരക്ഷിതരാണെന്നും മലയാളി നഴ്സുമാര് പ്രതികരിച്ചു.
