ജാർഖണ്ഡ് നിയമസഭാ തിരഞ്ഞെടുപ്പിനുള്ള ഭാരതീയ ജനതാ പാർട്ടി പ്രകടന പത്രിക (മാനിഫെസ്റ്റോ) കേന്ദ്ര ആഭ്യന്തര മന്ത്രി അമിത് ഷാ ഞായറാഴ്ച റാഞ്ചിയില് പ്രകാശനം ചെയ്തു (Jharkhand Assembly Election).“ഞങ്ങൾ ജാർഖണ്ഡിൽ യൂണിഫോം സിവിൽ കോഡ് കൊണ്ടുവരും, ആദിവാസികളെ ഒരു തരത്തിലും ബാധിക്കില്ലെന്ന് ഞാൻ നിങ്ങൾക്ക് ഉറപ്പ് നൽകുന്നു,” ബി.ജെ.പിയുടെ പ്രകടന പത്രിക പുറത്തിറക്കിയ ശേഷം ഷാ പറഞ്ഞു.സോറൻ്റെ ഭരണത്തിന് കീഴിൽ ആദിവാസികൾ സുരക്ഷിതരല്ലെന്ന് ആരോപിച്ച് ഷാ ഹേമന്ത് സോറൻ സർക്കാരിനെതിരെ ആഞ്ഞടിച്ചു. ജാർഖണ്ഡിൽ സ്ത്രീകൾ സുരക്ഷിതരല്ലെന്നും ബംഗ്ലാദേശി നുഴഞ്ഞുകയറ്റം മൂലം സന്താൽ പർഗാനയിൽ ഗോത്രവർഗക്കാരുടെ എണ്ണം കുറയുകയാണെന്നും അദ്ദേഹം ആരോപിച്ചു.
ജാർഖണ്ഡിൽ നുഴഞ്ഞുകയറ്റക്കാർ ഞങ്ങളുടെ പെൺമക്കളെ വിവാഹം കഴിക്കുന്നുണ്ടെന്നും എന്നാൽ വോട്ട് ബാങ്ക് രാഷ്ട്രീയത്തിന് വേണ്ടി സോറൻ മിണ്ടാതിരിക്കുകയാണെന്നും അദ്ദേഹം പറഞ്ഞു.
ബിജെപി സർക്കാർ രൂപീകരിക്കുന്നതോടെ ജാർഖണ്ഡിൽ നിന്ന് അനധികൃത കുടിയേറ്റക്കാരെ പുറത്താക്കുമെന്ന് ഷാ ഉറപ്പിച്ചു പറഞ്ഞു.
ഝാർഖണ്ഡിലെ മത്സര പരീക്ഷയ്ക്കിടെ അടിക്കടിയുള്ള പേപ്പർ ചോർച്ചയെക്കുറിച്ച് സംസാരിച്ച ഷാ പറഞ്ഞു, ബിജെപി അധികാരത്തിൽ വന്നാൽ, പേപ്പർ ചോർച്ച എപ്പിസോഡിൽ ഉൾപ്പെട്ട എല്ലാ ആളുകളെയും സർക്കാർ കഠിനമായി ശിക്ഷിക്കുമെന്ന് ഷാ പറഞ്ഞു.
ഝാർഖണ്ഡ് സംസ്ഥാനം അതിൻ്റെ പ്രകൃതിവിഭവങ്ങൾ കാരണം വളരെയധികം വികസിക്കുമായിരുന്നുവെന്നും എന്നാൽ നിർഭാഗ്യവശാൽ, അഴിമതി ഏറ്റെടുക്കുകയും സോറൻ്റെ ജനങ്ങൾക്കിടയിൽ പണം വിതരണം ചെയ്യുകയും ചെയ്തുവെന്ന് ഷാ ചൂണ്ടിക്കാട്ടി.
അസം മുഖ്യമന്ത്രി ഹിമന്ത ബിശ്വ ശർമ്മ, കേന്ദ്രമന്ത്രിമാരായ ശിവരാജ് സിംഗ് ചൗഹാൻ, സഞ്ജയ് സേത്ത്, ബിജെപി ജാർഖണ്ഡ് പ്രസിഡൻ്റ് ബാബുലാല് മറാണ്ടി എന്നിവർ ചടങ്ങില് പങ്കെടുത്തു.ബിജെപി സംസ്ഥാനം ഭരിച്ചപ്പോഴെല്ലാം ജാർഖണ്ഡില് വികസന പ്രവർത്തനങ്ങള് നടത്തിയിട്ടുണ്ടെന്ന് പ്രകടന പത്രിക പ്രകാശന ചടങ്ങില് സംസാരിച്ച ബിജെപി ജാർഖണ്ഡ് പ്രസിഡൻ്റ് ബാബുലാല് മറാണ്ടി പറഞ്ഞു. ജാർഖണ്ഡില് ബിജെപി സർക്കാർ രൂപീകരിച്ചപ്പോഴെല്ലാം സംസ്ഥാനത്ത് വികസന പ്രവർത്തനങ്ങള് നടന്നിട്ടുണ്ട്. ഇത്തവണ എൻഡിഎ സർക്കാർ രൂപീകരിക്കാൻ ജനങ്ങള് തീരുമാനമെടുത്തിട്ടുണ്ടെന്നും മറാണ്ടി പറഞ്ഞു.
കർഷകർ, സ്ത്രീകള്, യുവാക്കള്, അടിസ്ഥാന സൗകര്യങ്ങള്, വികസന വിഷയങ്ങള് തുടങ്ങി ജാർഖണ്ഡിലെ എല്ലാ വിധ പ്രശ്ങ്ങളും പ്രകടനപത്രികയില് ഉള്പ്പെടുത്തുമെന്ന് ബിജെപി വക്താവ് പ്രതുല് ഷാ ദിയോ പറഞ്ഞു. പ്രകടന പത്രയില് 150 പ്രമേയങ്ങളുണ്ടാകുമെന്ന് അസം മുഖ്യമന്ത്രി ഹിമന്ത ബിശ്വ ശർമ്മനേരത്തെ പറഞ്ഞിരുന്നു.
അതേസമയം , ജാർഖണ്ഡ് നിയമസഭയിലെ 81 സീറ്റുകളിലേക്കുള്ള തിരഞ്ഞെടുപ്പ് നവംബർ 13 നും നവംബർ 20 നും രണ്ട് ഘട്ടങ്ങളിലായി നടക്കും, വോട്ടെണ്ണല് നവംബർ 23 ന് നടക്കും. കഴിഞ്ഞ നിയമസഭാ തിരഞ്ഞെടുപ്പില് ജാർഖണ്ഡ് മുക്തി മോർച്ച 30 സീറ്റുകളിലും ബിജെപി 25 സീറ്റുകളിലും കോണ്ഗ്രസ് 16 സീറ്റുകളിലും വിജയിച്ചിരുന്നു.
