എറണാകുളം :കളമശ്ശേരിയിലെ സ്ഫോടനം നടത്തിയത് താനെന്ന് അവകാശപ്പെട്ട് തൃശ്ശൂര് കൊടകര പോലീസ് സ്റ്റേഷനില് കീഴടങ്ങിയ ഡൊമിനിക് മാര്ട്ടിന്റെ വീഡിയോ സന്ദേശം പുറത്ത്കീഴടങ്ങുന്നതിന് തൊട്ടുമുൻപ് ഫേസ്ബുക്ക് പേജിലിട്ട ലൈവിലാണ് സ്ഫോടനത്തിന്റെ ഉത്തരവാദിത്തം ഏറ്റെടുത്ത് ഡൊമിനിക് എത്തിയത്. ബോംബ് വെച്ചത് താനാണെന്നാണ് വീഡിയോ സന്ദേശത്തില് ഡൊമനിക് അവകാശപ്പെടുന്നത്. സ്ഫോടനം നടത്തിയത് യഹോവ സാക്ഷികളോടുള്ള എതിര്പ്പ് മൂലമാണെന്നും 16 വര്ഷമായി യഹോവ സാക്ഷികളില് അംഗമാണെന്നും ഡൊമിനിക് അവകാശപ്പെട്ടു. യഹോവാ സാക്ഷികള് രാജ്യദ്രോഹ സംഘടനയെന്ന് ആറു വര്ഷം മുൻപ് തിരിച്ചറിഞ്ഞുവെന്നും മറ്റുള്ളവര് എല്ലാം നശിച്ചുപോകുമെന്നാണ് അവരുടെ പ്രചാരണമെന്നും തെറ്റായ ആശയങ്ങള്പ്രചരിപ്പിക്കുന്നവരെ നിയന്ത്രിച്ചില്ലെങ്കില് തന്നെ പോലുള്ള സാധാരണക്കാര് പ്രതികരിക്കുമെന്നും ഡൊമിനിക് വീഡിയോയില് പറയുന്നു.സ്ഫോടനത്തിൻറെ ഉത്തരവാദിത്വം താൻ ഏറ്റെടുക്കുകയാണെന്നും കീഴടങ്ങാൻ സ്റ്റേഷനിലേക്ക് പോകുന്നുവെന്നും പറഞ്ഞാണ് വീഡിയോ അവസാനിക്കുന്നത്. എങ്ങനെ സ്ഫോടനം നടത്തിയെന്നത് മാധ്യമങ്ങള് കാണിക്കരുതെന്നും ഡൊമിനിക് വീഡിയോയില് പറയുന്നുണ്ട്. അഞ്ചു ദിവസം മുമ്ബുണ്ടാക്കിയ ഫേസ്ക്ക്ബുക്ക് പേജിലൂടെയാണ് ഡൊമിനിക് വീഡിയോ സന്ദേശം പുറത്തുവിട്ടിരിക്കുന്നത്.
കളമശ്ശേരി സ്ഫോടനം; പ്രതി കീഴടങ്ങി.
