കൊച്ചി:അഴിമതി കേസില്‍ അറസ്റ്റിലായ തമിഴ്നാട് മന്ത്രി സെന്തില്‍ ബാലാജിയുടെ സഹോദരന്‍ അശോക് കുമാര്‍ കൊച്ചിയില്‍ പിടിയില്‍.ചെന്നൈയില്‍ നിന്നുള്ള ഇഡി ഉദ്യോഗസ്ഥരാണ് കൊച്ചിയിലെത്തി അശോകിനെ പിടികൂടിയത്. സെന്തില്‍ ബാലാജി അറസ്റ്റിലായതിന് പിന്നാലെ നാല് തവണ ഇ.ഡി നോട്ടീസ് അയച്ചിട്ടും അശോക് കുമാര്‍ ഹാജരായിരുന്നില്ല. പിന്നാലെ ലുക്ക് ഔട്ട് നോട്ടീസും പുറപ്പെടുവിച്ചു.വൈകിട്ടോടെ ചെന്നൈയില്‍ എത്തിക്കുന്ന അശോകനെ, നാളെ കോടതിയില്‍ ഹാജരാക്കും. രണ്ടു ദിവസങ്ങള്‍ക്കു മുമ്ബ് അശോക് കുമാറിന്റെ ഭാര്യയുടെ ഉടമസ്ഥതയിലുള്ള സ്ഥലം ഇഡി മരപ്പിച്ചിരുന്നു. 2.49 കോടി രൂപയുടെ കരൂരിലെ…

അയോഗികത നീങ്ങിയ ശേഷം രാഹുൽഗാന്ധി എംപി ആദ്യമായി കേരളത്തിൽ എത്തി. വയനാട് നീലഗിരി ജില്ലകളുടെ അതിർത്തിയായ ബത്തേരി അടുത്ത് പഴൂരിൽ രാഹുൽഗാന്ധിക്ക് പ്രവർത്തകർ സ്വീകരണം ഏർപ്പെടുത്തി. അപ്രതീക്ഷിതമായിട്ടായിരുന്നു ഇവിടെ സ്വീകരണം. പതിവിൽ നിന്നും വ്യത്യസ്തമായി ഊട്ടിയിൽ നിന്നും റോഡ് മാർഗ്ഗമാണ് അദ്ദേഹം വയനാട്ടിലേക്ക് എത്തിയത്.കെപിസിസി പ്രസിഡണ്ട് കെ സുധാകരൻ,ഡിസിസി പ്രസിഡണ്ട് അപ്പച്ചൻ, ബത്തേരി എംഎൽഎ ഐസി ബാലകൃഷ്ണൻ തുടങ്ങിയവർ സ്വീകരണത്തിന് നേതൃത്വം നൽകി.തുടർന്ന് ഇദ്ദേഹം കൽപ്പറ്റയിലേക്ക് പോയി.

ബാണാസുര സാഗറിൽ മത്സ്യവിത്ത് നിക്ഷേപിച്ചു ഫിഷറീസ് വകുപ്പ്, ജില്ലാ പഞ്ചായത്ത് സംയുക്താഭിമുഖ്യത്തിൽ റിസർവോയറുകളിൽ മത്സ്യവിത്ത് നിക്ഷേപിക്കുന്ന പദ്ധതി ജില്ലയിൽ തുടക്കമായി. ജില്ലാ പഞ്ചായത്തിന്റെ ധനസഹായത്തോടെ നടപ്പിലാക്കുന്ന പദ്ധതിയിൽ 15 ലക്ഷം കാർപ്പ് മത്സ്യ കുഞ്ഞുങ്ങളെയാണ് ജില്ലയിലെ റിസർവോയറുകളിൽ നിക്ഷേപിക്കുക. പദ്ധതിയുടെ ഭാഗമായി ബാണാസുര റിസർവോയറിൽ 6 ലക്ഷം കാർപ്പ് മത്സ്യ കുഞ്ഞുങ്ങളെ നിക്ഷേപിച്ചു. തുടർ നിക്ഷേപം കാരാപ്പുഴയിലും ബാണാസുരയിലും നടക്കും.

വയനാട്: എംപി സ്ഥാനം പുനസ്ഥാപിച്ചതിന് ശേഷം രാഹുല്‍ ഗാന്ധി ആദ്യമായി ഇന്ന് കേരളത്തിലെത്തുന്നു. രണ്ട് ദിവസത്തെ സന്ദര്‍ശനമാണ് ക്രമീകരിച്ചിരിക്കുന്നത്.ഉച്ചയ്ക്ക് ശേഷം കല്‍പ്പറ്റ നഗരത്തിലാണ് ആദ്യ പരിപാടി. എംപിയുടെ കൈത്താങ്ങ് പദ്ധതിയില്‍ ഉള്‍പ്പെടുത്തി പൂര്‍ത്തീകരിച്ച 9 വീടുകളുടെ താക്കോല്‍ പൊതു സമ്മേളത്തില്‍ കൈമാറും. വൻ സ്വീകരണത്തിനുള്ള ഒരുക്കങ്ങളാണ് കല്‍പ്പറ്റയില്‍ പുരോഗമിക്കുന്നത്. എഐസിസി , കെപിസിസി നേതാക്കളെല്ലാം ഇന്ന് കല്‍പ്പറ്റയിലെത്തും. നാളെ മാനന്തവാടിയിലും കോടഞ്ചേരിയിലുമാണ് പരിപാടികള്‍. അതിന് ശേഷം രാഹുല്‍ മടങ്ങും.