ഇന്ത്യയുടെ നയതന്ത്ര ശ്രമങ്ങൾ വിജയം കണ്ടു; നാവികരുടെ വധശിക്ഷ റദ്ദാക്കി.
ചാര പ്രവർത്തനം ആരോപിച്ച് ഖത്തറില് വധശിക്ഷയ്ക്ക് വിധിക്കപ്പെട്ട എട്ട് മുന് ഇന്ത്യന് നാവികസേനാംഗങ്ങളുടെ ശിക്ഷ ഖത്തര് കോടതി റദ്ദാക്കി. ശിക്ഷാ വിധിക്കെതിരെ ഇന്ത്യന് സര്ക്കാര് നല്കിയ അപ്പീല് ഖത്തറിലെ ഫസ്റ്റ് ഇന്സ്റ്റന്സ് കോടതി അംഗീകരിച്ച് ആഴ്ചകള്ക്ക് ശേഷമാണ് സംഭവവികാസം. കേസില് വിശദമായ വിധിന്യായത്തിനായി കാത്തിരിക്കുകയാണെന്നും അടുത്ത നടപടികളെക്കുറിച്ച് തീരുമാനിക്കാന് ഇന്ത്യന് അധികാരികള് നിയമ സംഘവുമായും കുടുംബാംഗങ്ങളുമായും അടുത്ത ബന്ധം പുലര്ത്തുന്നുണ്ടെന്നും വിദേശകാര്യ മന്ത്രാലയം (എംഇഎ) അറിയിച്ചു. കഴിഞ്ഞ ഒക്ടോബറിലാണ് ഒരു വര്ഷത്തിലേറെയായി രാജ്യത്ത് തടവില് കഴിയുന്ന മുന് ഇന്ത്യന് നാവികസേനാംഗങ്ങളെ ഖത്തറിലെ…
