മുഖ്യമന്ത്രി സ്റ്റാലിന്റെ ഭാര്യ ഗുരുവായൂർ ക്ഷേത്രത്തിലേക്ക് വഴിപാടായി സ്വർണ്ണ കിരീടം സമർപ്പിക്കും.
ചെന്നൈ:ഗുരുവായൂരപ്പന് തമിഴ്നാട് മുഖ്യമന്ത്രി സ്റ്റാലിന്റെ ഭാര്യ ദുര്ഗ സ്വര്ണക്കിരീടവും ചന്ദനമരയ്ക്കുന്ന യന്ത്രവും സമര്പ്പിക്കും.കോയമ്ബത്തൂര് സ്വദേശിയായ ശിവജ്ഞാനമാണ് ഇതിനുള്ള ഒരുക്കങ്ങള് ചെയ്യുന്നത്. ഇതിന്റെ ഭാഗമായി നേരത്തെ തന്നെ കിരീടം തയാറാക്കുന്നതിനുള്ള അളവു ക്ഷേത്രത്തില് നിന്നു വാങ്ങിയിരുന്നു. മുൻപ് പല തവണ ദുര്ഗ സ്റ്റാലിൻ ക്ഷേത്രദര്ശനം നടത്തിയിട്ടുണ്ട്.ഇതിനു പുറമെ ക്ഷേത്രത്തില് അരച്ചു തീരാറായി ഉപേക്ഷിക്കുന്ന ചന്ദന മുട്ടികള് (തേയ) അരയ്ക്കാൻ കഴിയുന്ന മെഷീനും ഇവര് വഴിപാടായി സമര്പ്പിക്കും. 2 ലക്ഷം രൂപയോളം വിലയുള്ള മെഷീൻ ഇന്ന് വൈകിട്ട് ഗുരുവായൂരിലെത്തിക്കും.
